25 September 2008
Pasaiako Udalak atentatuak gaitzesten ditu
Posted by EA-Pasaia under: Gizarte gaiak/Asuntos sociales; Nazio Eraikuntza; Orokorra/General; Udala/Ayuntamiento .
Pasaiako Udaleko bozeramaileen batzordeak, atzo, Eusko Alkartasunak eta Eusko Alderdi Jeltzaleak atentatuen inguruan aurkezturiko mozioa onartu zuen. EA, PNV, PSE-EE, PP eta EB-Bko ordezkariek babestu zuten mozioa. ANVko ordezkariak, ordea, gaitzespenaren eta hildakoaren familiari, zaurituei eta kaltetuei elkartasuna adieraztearen aurka bozkatu zuen. Hemen duzue mozioa bere osotasunean:
PASAIAko Udalak, bere izenean eta gure erkidegoko herritarren ordezkari bezala, hauxe erabaki du:
1.- Joan den asteburuan, ETAk Santoñan, Ondarroan eta Gasteizen egindako atentatu terroristaren aurrean, samina erakustea eta atentatua gaitzestea.
2.- Kaltetutako eta zauritutako herritar guztiei babesa, elkartasuna eta adiskidetasuna adieraztea, eta bereziki, Santoñan Virgen del Puertoko patronato militarraren gertu izandako atentatuan hildako, Luis Conde de la Cruz, espainiako ejerzitoko brigada zenaren familiari.
3.- Berriz ere adieraztea ETAk giza eskubideen aurka eta erakunde biolento gisa irauten duen bitartean egiten dituen ekintzek Euskadiko herritarrek demokrazian eta giza eskubideetan oinarritutako gizartea eraikitzeko duten borondatea eta konpromisoa mesprezatzen dutela.
4-Berretsi nahi dugu berriro ere euskal gizartearen aurrean, gure artetik ETA kanpoan nahi dugula, soberan dugula guztiz.
Loading ...