Pasaia Eusko Alkartasuna 

Unai Ziarretak, Eusko Alkartasunako presidenteak esan duenez abertzaleen ilusioa berpizteko helburuarekin aurkeztuko da alderdia hauteskundeetara. Ziarretak prentsaurrea eman du, Joseba Azkarraga eta Elisa Sainz de Murieta, Eusko Alkartasunako idazkari orokorra eta Antolaketa idazkariak lagunduta datorren 2009ko martxoko hauteskundeetara aurkezteko zerrenda burua aukeratzeko prozesuan martxan jarri dela azaltzeko.

Ziarretak azaldu duenez, 2001ean abertzaleen aldeko bozka eman eta ondoren abstentzioaren aukera egin duten hautesleak berriro ilusionatzeko helburua du Eusko Alkartasunak. Bakarrik joateari buruz berriz, “gehiago nahi izatea eta
koherentziaren” ondorioa dela esan du Ziarretak: “Eusko Alkartasuna ez baita dugun egoera politikoarekin konformatzen, marko politikoa aldatzeko momentua iritsi da”.

Aurrera pausua emateko ordua da, esan du Eusko Alkartasunako presidenteak, “izan ere gu ez gara hauteskundeetara aurkeztuko dugun marko polítikoa gestionatzen jarraitzeko, aldatu nahi dugu”. “Gatazka politikoak darrai eta alderdi handiek ez dute hori konpontzeko ezer egiten”, salatu du Ziarretak: “Eusko Alkartasunak ez du hori onartuko”.

Trackback URI | Comentarios RSS